REPASO DE ILLA FANTASÍA

VISITA SORPRESA!

No fondo do mar de Illa Fantasía, a máis de 300 leguas baixo o mar, onde todo é escuridade, unha xigantesca cúpula de cristal aluminada, enche de luz o fondo mariño coma unha grande lúa chea. No seu interior : ISÓTITA, territorio de Illa Fantasía oculto no fondo mariño.
Conta o Grande libro da illa, que houbo un tempo onde todos os territorios foron invadidos por unha tribo de bárbaros que tiñan poderes para enmudecer ás mulleres,facían traballar aos nenos e nenas nas minas, escondía en furnas profundas aos enfermos e obrigaban a tódolos habitantes a vestir iguais, con uniformes grises, levando ocultos o pelo e a cara .
Derrubaron as escolas e prohibiron ás mulleres aprender a ler e a escribir, queimaban os libros, e perseguían a todo o que falaba na rúa ou escribía ou lía en público.
Eran violentos, non respectaban nada, e abicábanse a cortar árbores para construír muros e erguer valados ao redor das súas casas.
Todo o chimpaban ao mar : animais enfermos, gasas, roupa vella, ferros, cravos….Ata que a marea tornouse negra….

Hoxe recibimos a visita da capitá , a pirata Mariana, tamén coñecida como a Meiga do mar ou a Dama Gris. Deixou o seu galeón o “Stella Maris” na praia de Sopazos aínda que non se pode ver porque está cuberto por unha tea que o fai invisible.
Traía con ela unha esfera de cristal que tiña dentro un raio reflectindo unha luz branca se poñías as túas mans enriba.
Era unha burbulla , que semellaba a cúpula de cristal onde habitan os descendentes daquelas persoas salvadas por Mariana.
Esa burbulla representaba Isótita. Un territorio onde o respecto, a liberdade e o amor por tódalas persoas e seres vivos é a lei máis prezada. Unha sociedade que convive en paz e en igualdade,
Este valor: a igualdade, é o significado da palabra grega ISÓTITA, nome deste territorio da illa ,no fondo do mar.

E FOMOS AO CINEMA!

O pasado luns día 9 de decembro fomos ao cinema. Unha caravana de autobuses saíu do noso cole en dirección a Narón. 

Cando chegamos ao centro comercial as persoas que alí estaban quedaron sorprendidas ao ver tantos nenos e nenas.
Encantounos a película: bo argumento, boa banda sonora, boa imaxe...

Despois  merendamos e xogamos un pouco no parque. Revolucionamos o centro comercial.

   

                              

PANXOLIÑA PIRATA

Uns piratas con pata de pau

buscan a illa, buscan un tesouro,

ten  grumetes cos seus máis belos soños

Terra  á vista, berra un papagaio belo.

As ondas fúndense cunhas belas BALEAS

e nas augas DO EUME reflíctense as estrelas (bis)

Estenden o seu mapa, seguen unha estrela,

o capitán manda que icen as  velas.

o temón dá voltas, o compás espera,

dende o  catalexo divisan a Terra.

As ondas fúndense cunhas belas BALEAS

e nas augas DO EUME reflíctense as estrelas (bis)

Ancoran na illa, baixan os piratas,

descobren  pegadas, chegan a unha cova.

O neno bonito, co seu  garfio xoga,

eles prométenlle paz e vida nova.

As ondas fúndense cunhas belas BALEAS

e nas augas DO EUME reflíctense as estrelas (bis)

IMOS AO CINE: FROZEN II

A raíña Elsa, a súa irmá Anna,  Kristoff,  Olaf e Sven embárcanse nunha nova viaxe no profundo do bosque, máis aló da súa terra natal de  Arendelle, para descubrir a verdade sobre un antigo misterio do seu reino. O seu obxectivo principal é descubrir por que Elsa oe voces procedentes do Bosque encantado, onde dnNde hai tempo ninguén pode entrar nin saír. De non logralo o seu reino estaría en perigo.

O Rey  Runeard, fundador e primeiro rei de  Arendelle, establece un tratado coa tribo de  Northuldra mediante a construción dunha presa na terra natal de  Northuldra, o Bosque Encantado. Con todo, prodúcese unha pelexa e  enfurece aos espíritos da terra, o lume, o aire e a auga que habitan no bosque. Os espíritos desaparecen e un muro de néboa encerra a todos no bosque. O fillo de  Runeard, o príncipe  Agnarr, escapa coa axuda dun salvador descoñecido.

Tres anos despois da súa coroación, a Raíña Elsa de  Arendelle celebra o outono no reino coa súa irmá menor, a Princesa Anna,  Olaf, o boneco de neve,  Kristoff, o  recolector de xeo do reino, e Sven, o reno de  Kristoff. Cando Elsa oe unha voz misteriosa que a chama, séguea e, sen querer, esperta aos espíritos elementais, o que obriga a todos no reino a evacualo.  Grand  Pabbie e a colonia  Trolls, conscientes da situación, chegan a  Arendelle e  Pabbie infórmalles que deben arranxar as cousas descubrindo a verdade sobre o pasado do reino.

Elsa, Anna,  Olaf,  Kristoff e Sven embárcanse no Bosque Encantado, seguindo a misteriosa voz. O espírito do vento, en forma de tornado, aparece e varre a todos na súa  vórtice. Elsa deteno disparando chorros de neve, formando un conxunto de esculturas de xeo. Descobren que as esculturas son imaxes do pasado do seu pai e que a súa nai,  Iduna, era unha  Northuldra que salvou a  Agnarr. Atópanse con  Northuldra e unha tropa de soldados  que aínda están en conflito entre si. Aparece o espírito de lume, Elsa descobre que é unha píntega máxica axitada e a calma. Elsa e Anna forman unha tregua entre os soldados e  Northuldra ao explicar que a súa nai era  Northuldran e o seu pai era  Arendellian. Máis tarde, Elsa descobre a existencia dun quinto espírito que unirá ás persoas e a maxia da natureza.

NOTA: MATEMÁTICAS ABN

Estamos a rematar o libro de matemáticas e é hora de afianzar os contidos traballados. O que máis nos custou son as restas con levadas polo que imos traballalo con matemáticas ABN. Por iso, necesitamos o seguinte material (non custará máis de 5€). É o seguinte:

• Unha bolsa de gomas elásticas pequenas.
• Unha caixa de escarvadentes planos.
• Un Tupper de uns 3L.

Moitas grazas pola vosa colaboración.

                                                        

24 N: "Nin unha menos"

Onte, domingo día 24 de novembro de 2019 centos de mulleres e homes saíron á rúa baixo o berro  "Nin unha menos". Un día de conmemoración que atopa os seus inicios no ano 1981 tras o primeiro encontro feminista de Latinoamericana e o Caribe realizado en  Bogotá, onde se definiu o 25 de novembro como o día contra a violencia cara ás mulleres, conmemorando a historia e loita das irmás  Mirabal.
Hoxe, luns día 25 de novembro celebramos o Día contra a violencia no cole.
Todos xuntos bailamos e cantamos a canción de  Rozalén "Vivir" nos corredores da planta baixa.
Dámaris, mestra de infantil, leu unhas palabras concienciándonos desta celebración tan importante, moi bonitas.
Para finalizar o acto regaláronnos dúas bólas de Nadal transparentes. Dentro delas estaban as nosas fotos.
A bóla simboliza  ISÓTITA e as fotografías todo o que temos que traballar para conseguir a igualdade.