MELLORAMOS A NOSA VELOCIDADE LECTORA

Agora que todos xa sabemos ler temos que mellorar a nosa velocidade lectora.

Aquí déixovos un vídeo explicativo onde nos dan unhas pequenas orientacións sobre este aspecto.

Velocidade lectora: A lectura é recoñecida como unha habilidade fundamental e necesaria para desenvolverse de forma efectiva na vida cotiá. É imprescindible non só saber ler, senón ademais ter a capacidade de comprender o que se le e a habilidade de facelo de forma rápida e efectiva.

A lectura rápida está estreitamente relacionada coa comprensión lectora. A fluidez na lectura  e conseguir que o neno poida ler máis rápido proporciona unha vista global e completa do texto e favorece a comprensión do sentido da mensaxe.

En cambio a lectura lenta, provoca que a persoa se atasque ao tratar de recoñecer determinadas palabras, isto fai que se  desconcentre e esqueza o lido con anterioridade. Isto leva ao desalento e á desmotivación, provocando o abandono.

Lograr unha lectura rápida é moi importante, entendida esta como unha lectura global da mensaxe e non de palabras individuais.

Unha lectura centrada en captar o sentido e as ideas principais do texto. Non importa o significado de cada palabra, senón a capacidade de comprender todo o texto, o significado deste.

Se fomentamos esta forma de ler nos nosos nenos e nenas, lograremos que lean empregando procesos mentais que lles permitan a comprensión global, desta forma obterán importantes beneficios

Trucos para mellorar a velocidade lectora

1. A clave está en facer que os pequenos lean cos ollos, en lugar de pronunciando. O cerebro recoñece a palabra sen necesidade de pronunciala. Se pronunciamos aínda que sexa en silencio palabra por palabra, gastamos tempo nese proceso que non é necesario.
2. Nun principio podemos empregar un marcador como un lapis ou o dedo, o cal pasaremos pola liña, sempre por diante da palabra na que estamos. Isto serve de guía á nosa vista e fai que se fixe na seguinte palabra. Con iso esta palabra chega ao noso cerebro antes de que nos deamos conta.
3. Ensina aos nenos e nenas a mirar toda a frase á vez. Como exercicio podes poñerlles unha frase indicarlles que fixen a vista no centro da mesma e que nos digan o que pon escrito. Máis adiante podemos facer o mesmo con varias frases e mesmo textos.
4. Adestra con eles para que localicen a palabra crave. Móstralles un texto, empeza por textos curtos e logo faino con outros máis extensos, pídelles que atopen unha palabra determinada o máis rápido posible. Desta forma adestrarán a pasar a vista por todas as palabras ata dar coa palabra crave.

Exercicios para mellorar a velocidade lectora

1. Le un pouco todos os días. Unha das cousas que axuda notablemente a todos os nenos e adultos que necesitan axilizar a velocidade da súa lectura é a práctica dun pouco de lectura diaria.